Бізбен бірге болыңыз:
Қазақстан Республикасының Мәдениет және спорт министрлігі
РМҚК «Ж. Елебеков атындағы
Республикалық эстрада және цирк колледжі»

АР- НАМЫС КОДЕКСІ

СТУДЕНТТІҢ АР-НАМЫС КОДЕКСІ

Ж.Елебеков атындағы Республикалық эстрада- цирк колледжінің студенттер қауымдастығы:

- Коллдж миссиясын жүзеге асыру үшін өз жауапкершілігін түсіне отырып;

- РЭЦК корпоративтік мәдениеті мен имиджін қолдауды және дамытуды өз парызы деп санай отырып;

- оқытушылар, қызметкерлер және Колледж әкімшілігі арасында шынайы демократиялық қатынастар жүйесін құруға ұмтыла отырып, РЭЦК студентінің ар-намыс кодексін қабылдайды және оны мүлтіксіз орындауға міндеттенеді.

1 бап - РЭЦК студенті Қазақстан Республикасының Конституциясы мен заңдарын, РЭЦК Жарғысын, ішкі тәртіп ережелерін, жатақханада тұру ережелерін сақтайды.

2 бап - РЭЦК студенті Қазақстан Республикасының Мемлекеттік рәміздерін, Қазақстанның ұлттық мәдениетін, тарихы мен мемлекеттілігін біледі және құрметтейді, Колледж дәстүрлерін арттырады және ұқыпты сақтайды.

3 бап - РЭЦК студенті басқа студенттермен, оқытушылармен және РЭЦК әкімшілігімен қарым-қатынаста сыпайылық, әдептілік және ілтипаттылық танытады.

4 бап - РЭЦК студенті кез-келген адамға, оның шығу тегі мен ұлтына, әлеуметтік мәртебесіне, діни немесе дүниетанымына қарамастан құрметпен қарайды.

5 бап - РЭЦК студенті өзінің оқу міндеттерін қатаң орындайды, этикалық, академиялық және құқықтық бұзушылықтарға жол бермейді, соның ішінде:

  • - жоғары баға алу үшін туыстық немесе қызметтік байланыстарды пайдалану;
  • - парақорлық; - оқытушыны алдау және оны құрметтемеу;
  • - басқа білім алушыларға көшіру үшін өз жұмысын ұсынбайды;
  • - сабақты себепсіз босатпайды;
  • - сабаққа кешікпейді;
  • - оқу үрдісі кезінде тәртіп бұзбайды, басқа білім алушыларды материалды қабылдаудан алаңдатпайды.

6 бап - РЭЦК студенті колледж мүлкінің сақталуын қадағалайды және оның аумағында бұзақылық көріністерін болдырмайды.

7 бап - РЭЦК студенті колледж кітапханалық және ақпараттық ресурстарына мұқият қарайды, оларға немқұрайды немесе зиянды көзқарасқа жол бермейді.

8 бап - РЭЦК студенті ұқыпты көрінеді, оның сыртқы түрі эстетикалық нормаларға сәйкес келеді.

9-бап - РЭЦК студенті салауатты өмір салтын ұстанады, өзінің мәдени, адамгершілік және физикалық деңгейін арттыруға ұмтылады, Колледждің қоғамдық және спорттық өміріне белсенді қатысады.

10 бап - РЭЦК студенті колледжде де, одан тыс жерлерде де заңсыз әрекеттерге жол бермеуі керек.

11 бап - РЭЦК студенті елдегі тәртіпті тұрақсыздандыруға бағытталған ақпараттың таралуына жол бермеуі, сондай-ақ рұқсат етілмеген жиналыстарға, көрсетілімдерге, митингілерге, ереуілдерге, акциялар мен шерулерге қатыспауы тиіс.

12 бап - Студент колледжде оқытушылар мен студенттер арасындағы кез-келген сыбайлас жемқорлық көріністеріне және тәртіпке қарсы тұруға белсенді түрде ықпал етеді.

13 бап - РЭЦК студенті колледждің мүдделеріне қайшы келетін, РЭЦК беделі мен абыройына нұқсан келтіретін кез-келген қызметке қатысудан бас тартады.

14 бап - Кодекс ережелерінің бұзылуын анықтаған РЭЦК студенті оны өз бетінше тоқтатуға тырысады немесе бұл туралы студенттік өзін-өзі басқару органдарына немесе әкімшілікке хабарлайды.